IND vs AUS: ಭಾರತ 244ಕ್ಕೆ ಆಲೌಟ್
ಸಿಡ್ನಿ: ಆತಿಥೇಯ ಆಸ್ಟ್ರೇಲಿಯಾ ವಿರುದ್ಧ ಇಲ್ಲಿನ ಸಿಡ್ನಿ ಕ್ರಿಕೆಟ್ ಮೈದಾನದಲ್ಲಿ (ಎಸ್ಸಿಜಿ) ಸಾಗುತ್ತಿರುವ ಮೂರನೇ ಟೆಸ್ಟ್ ಪಂದ್ಯದ ತೃತೀಯ ದಿನದಾಟದಲ್ಲಿ ಕಳಪೆ ಬ್ಯಾಟಿಂಗ್ ಪ್ರದರ್ಶನ ತೋರಿರುವ ಟೀಮ್ ಇಂಡಿಯಾ 244 ರನ್ ಗಳಿಗೆ ಆಲೌಟ್ ಆಗಿದೆ. ಆ ಮೂಲಕ ಭಾರತ ತಂಡ 94 ರನ್ ಗಳ ತೀವ್ರ ಹಿನ್ನಡೆ ಅನುಭವಿಸಿದೆ.
ಓಪನರ್ ಶುಭಮನ್ ಗಿಲ್ ಹಾಗೂ ಚೇತೇಶ್ವರ ಪೂಜಾರ ಅರ್ಧಶತಕ ಬಾರಿಸಿರುವುದನ್ನು ಹೊರತುಪಡಿಸಿದರೆ ಭಾರತದ ಇತರ ಯಾವ ಬ್ಯಾಟ್ಸ್ ಮನ್ ನಿಂದ ಹೆಚ್ಚಿನ ರನ್ ಬರಲಿಲ್ಲ.
2ನೇ ದಿನದಾಟದ ಅಂತ್ಯಕ್ಕೆ 2 ವಿಕೆಟ್ ನಷ್ಟಕ್ಕೆ 96 ರನ್ ಗಳಿಸಿದ್ದ ಭಾರತ ತಂಡ ಇಂದು 244ರನ್ ಗಳಿಗೆ ಆಲೌಟ್ ಆಗಿದೆ. ಪೂಜಾರ ಅವರು ಅರ್ಧಶತಕ ಗಳಿಸಿ ಔಟಾದರೆ, ರಹಾನೆ 22 ರನ್ ಮಾತ್ರ ಗಳಿಸಿದರು. ಬಳಿಕ ಪಂತ್ 3 ರನ್ ಗಳಿಸಿ ಔಟ್ ಆದರು. 10 ರನ್ ಗಳಿಸಿ ಅಶ್ವಿನ್ ರನೌಟ್ ಗೆ ಬಲಿಯಾದರೆ, ಬುಮ್ರಾ ಕೂಡ ಶೂನ್ಯ ಸುತ್ತಿ ರನೌಟ್ ಆದರು. ಅಂತಿಮವಾಗಿ 6 ರನ್ ಗಳಿಸಿ ಸಿರಾಜ್ ಔಟ್ ಆದರು. 28ರನ್ ಗಳಿಸಿ ಆಸಿಸ್ ಬೌಲರ್ ಗಳಿಗೆ ಪ್ರತಿರೋಧ ಒಡ್ಡಿದ್ದ ರವೀಂದ್ರ ಜಡೇಜಾ ಅಜೇಯರಾಗಿ ಉಳಿದರು.
ಆಸ್ಟ್ರೇಲಿಯಾ ಪರ ಪ್ಯಾಟ್ ಕಮಿನ್ಸ್ 4 ವಿಕೆಟ್ ಕಬಳಿಸಿದರೆ, ಹೇಜಲ್ ವುಡ್ 2 ಮತ್ತು ಮಿಚೆಲ್ ಸ್ಟಾರ್ಕ್ 1 ವಿಕೆಟ್ ಪಡೆದರು.
PublicNext
09/01/2021 11:30 am
ಸಂಬಂಧಿತ ಸುದ್ದಿ
LOADING...
