ದಾವಣಗೆರೆ: ಬಣ್ಣದೋಕುಳಿಯಲ್ಲಿ ಮಿಂದೆದ್ದ ಬೆಣ್ಣೆನಗರಿ ಜನರು
ದಾವಣಗೆರೆ: ಬೆಣ್ಣೆನಗರಿಯಲ್ಲಿ ನಿನ್ನೆ (ಶನಿವಾರ) ಬಣ್ಣದೋಕುಳಿ ಸಂಭ್ರಮ ಮನೆ ಮಾಡಿತ್ತು. ಎಲ್ಲೆಡೆ ಬಣ್ಣವೋ ಬಣ್ಣ. ಯಾವ ಏರಿಯಾಕ್ಕೆ ಹೋದರೂ ತರೇಹವಾರಿ ಬಣ್ಣ ಎರಚುತ್ತಾ ಜನರು ಸಂಭ್ರಮಿಸಿದರು. ಹೋಳಿ ಸಡಗರ ಮುಗಿಲುಮುಟ್ಟಿತ್ತು.
ದಾವಣಗೆರೆಯಲ್ಲಿ ಬಣ್ಣದಲ್ಲಿ ಬೆಣ್ಣೆ ಯುವಕ, ಯುವತಿಯರು ಮಿಂದೆದ್ದರು. ರಾಂ ಆಂಡ್ ಕೋ ವೃತ್ತದಲ್ಲಿ ಭರ್ಜರಿ ರಂಗೋತ್ಸವವೇ ನಡೆಯಿತು. ಯುವಕ, ಯುವತಿಯರಿಂದ ಸಾಮೂಹಿಕ ಬಣ್ಣದ ರಂಗಿನಾಟ ಗಮನ ಸೆಳೆಯಿತು. ಡಿಜೆ ಸಾಂಗ್‌ಗೆ ಯುವಕ, ಯುವತಿಯರು ಭರ್ಜರಿ ಡ್ಯಾನ್ಸ್ ಮಾಡಿದರು. ರಾಂ ಆಂಡ್ ಕೋ ಗೆಳೆಯರ ಬಳಗದಿಂದ ರಂಗ ಉತ್ಸವ ಆಯೋಜಿಸಲಾಗಿತ್ತು. ಈ ಉತ್ಸವದಲ್ಲಿ ಸಾವಿರಾರು ಜನರು ಬಣ್ಣದ ಲೋಕದಲ್ಲಿ ತೇಲಿ ಹೋದರು.
ರಂಗೋತ್ಸವದಲ್ಲಿ ಸಾವಿರಾರು ಯುವಕ, ಯುವತಿಯರು ಹಾಗೂ ಮಕ್ಕಳು ಕುಣಿದು ಕುಪ್ಪಳಿಸಿದರು. ಹೋಳಿ ಆಡಿ ಸಂಭ್ರಮಿಸಿದ ಬೆಣ್ಣೆ ನಗರಿಯ ಯುವ ಸಮೂಹದ ಬಣ್ಣದ ರಂಗಿನಾಟಕ್ಕೆ ಭರ್ಜರಿ ಡಿಜೆ ಹಾಗೂ ಮ್ಯೂಸಿಕ್ ವ್ಯವಸ್ಥೆ ಮಾಡಲಾಗಿತ್ತು.
PublicNext
20/03/2022 10:06 am
ಸಂಬಂಧಿತ ಸುದ್ದಿ
LOADING...
