ನಿಲ್ಲದ 'ಮಹಾ' ಕಿರಿಕ್: ಬಸ್ ನಿಲ್ದಾಣದೊಳಗೆ ಕರ್ನಾಟಕ ಬಸ್ಗಳಿಗೆ ನೋ ಎಂಟ್ರಿ
ಬೆಳಗಾವಿ: ಗಡಿ ವಿಚಾರವಾಗಿ ಕರ್ನಾಟಕದೊಂದಿಗೆ ಮಹಾರಾಷ್ಟ್ರ ಸರ್ಕಾರ ಪದೇ ಪದೇ ಕಿರಿಕ್ ಮಾಡುತ್ತಿದೆ. ಈ ಬಾರಿ ಮಹಾರಾಷ್ಟ್ರ ಸಾರಿಗೆ ಇಲಾಖೆ ಅಧಿಕಾರಿಗಳು ಕರ್ನಾಟಕದ ಸಾರಿಗೆ ಬಸ್ಗಳನ್ನು ನಿಲ್ದಾಣಕ್ಕೆ ಪ್ರವೇಶ ನಿರಾಕರಿಸಿ ಉದ್ಧಟತನ ತೋರಿದ್ದಾರೆ.
ಕೊಲ್ಹಾಪುರ ಬಸ್ ನಿಲ್ದಾಣದೊಳಗೆ ಕರ್ನಾಟಕ ಬಸ್ಗಳಿಗೆ ಪ್ರವೇಶ ನಿರಾಕರಿಸಿದ್ದಾರೆ. ಇದರಿಂದಾಗಿ ಬಸ್ಗಳು ಹೊರಗಡೆಯಿಂದಲೇ ವಾಪಸ್ ಆಗುತ್ತಿವೆ. ಈ ಕ್ರಮದಿಂದ ಸಾರಿಗೆ ಇಲಾಖೆ ಸಿಬ್ಬಂದಿ ಜನರನ್ನು ತುಂಬಿಸಿಕೊಳ್ಳಲಾಗದೇ ಖಾಲಿಯಾಗಿಯೇ ವಾಪಸ್ ಆಗುವ ಅನಿವಾರ್ಯ ಪರಿಸ್ಥಿತಿಯನ್ನು ಎದುರಿಸಿದ್ದಾರೆ.
ಕರ್ನಾಟಕ ಮತ್ತು ಮಹಾರಾಷ್ಟ್ರದ ನಡುವೆ ನಿತ್ಯ 400ಕ್ಕೂ ಅಧಿಕ ಕರ್ನಾಟಕದ ಬಸ್ಗಳ ಸಂಚಾರವಿದೆ. ಸದ್ಯ ಮಹಾರಾಷ್ಟ್ರದ ಕ್ರಮಕ್ಕೆ ವ್ಯಾಪಕ ಆಕ್ರೋಶ ವ್ಯಕ್ತವಾಗಿದೆ. ಈ ಹಿನ್ನೆಲೆಯಲ್ಲಿ ಗಡಿಯಲ್ಲಿ ಮಹಾರಾಷ್ಟ್ರ ಬಸ್ ತಪಾಸಣೆಯ ಸೇಡು ತೀರಿಸಿಕೊಳ್ಳಲು ಮುಂದಾಗಿದೆಯಾ ಎಂಬ ಪ್ರಶ್ನೆ ಎದುರಾಗಿದೆ.
PublicNext
27/02/2021 06:03 pm
ಸಂಬಂಧಿತ ಸುದ್ದಿ
LOADING...
