ರಾಜಕೀಯ ನಿವೃತ್ತಿಯ ಬಗ್ಗೆ ಎಚ್‌ಡಿಕೆ ಮಾತು- ಮಗನ ಸೋಲನ್ನು ಮರೆಯದ ಮಾಜಿ ಸಿಎಂ
ಮಂಡ್ಯ: ಮಾಜಿ ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ಅವರು ಲೋಕಸಭಾ ಚುನಾವಣೆಯಲ್ಲಿ ಪುತ್ರ ನಿಖಿಲ್ ಕುಮಾರಸ್ವಾಮಿ ಸೋಲನ್ನು ಮತ್ತೊಮ್ಮೆ ನೆನೆದು ಬೇಸರ ವ್ಯಕ್ತಪಡಿಸಿದ್ದಾರೆ.
ಮದ್ದೂರು ತಾಲೂಕಿನ ಬ್ಯಾಡರಹಳ್ಳಿಯ ದೇಗುಲ ಉದ್ಘಾಟನೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಚುನಾವಣೆಗೆ ನಿಲ್ಲಬೇಡ ಅಂತ ನಿಖಿಲ್‌ಗೆ ಹೇಳಿದ್ದೆ. ಎಂದಿದ್ದೆ. ಹಲವರು ಒತ್ತಾಯಿಸಿ ಮಗನನ್ನು ಚುನಾವಣೆಗೆ ನಿಲ್ಲಿಸಿಬಿಟ್ಟರು. ನಮ್ಮ ಪಕ್ಷ ಗೆದ್ದಾಗ ಐದು ಕಾಲು ಲಕ್ಷ ಮತಗಳನ್ನು ಕೊಟ್ಟೀರಿ. ನಾವು ಸೋತಾಗ ಐದು ಮುಕ್ಕಾಲು ಲಕ್ಷ ವೋಟು ಕೊಟ್ಟೀರಿ. ಎಲ್ಲರೂ ಸೇರಿ ಮುಗಿಸಬೇಕು ಅಂತ ಮುಗಿಸಿದ್ದರು. ಆದರೂ ಮಂಡ್ಯ ಜಿಲ್ಲೆಯ ಬಗ್ಗೆ ಬೇಸರವಿಲ್ಲ ಎಂದು ಅಸಮಾಧಾನ ಹೊರ ಹಾಕಿದರು.
ನಾನು ರಾಜಕೀಯದಿಂದ ನಿವೃತ್ತಿಯಾಗಬೇಕು ಅಂದುಕೊಂಡಿದ್ದೆ. ಜನರು ತೋರಿಸುವ ಪ್ರೀತಿ ನೋಡಿದಾಗ ನಾನು ಅನ್ಯಾಯ ಮಾಡುತ್ತಿದ್ದೇನೆ ಅನ್ನಿಸುತ್ತೆ. ಈ ವ್ಯವಸ್ಥೆಯಿಂದಾದ ಬೇಸರಕ್ಕೆ ಕ್ಷೇತ್ರದಿಂದ ಹೊರ ಹೋದರೆ ಜನರಿಗೆ ಅನ್ಯಾಯ ಮಾಡಿದಂತಾಗುತ್ತೆ. ಈ ಕಾರಣಕ್ಕೆ ನಾನು ರಾಜಕೀಯದಲ್ಲಿ ಮುಂದುವರಿದಿದ್ದೇನೆ. ನನಗೆ ವೈಯಕ್ತಿಕವಾಗಿ ರಾಜಕೀಯದಲ್ಲಿ ಮುಂದುವರಿಯುವ ಆಸೆಯೇ ಇಲ್ಲ ಎಂದು ತಿಳಿಸಿದರು.
PublicNext
22/11/2020 01:51 pm
ಸಂಬಂಧಿತ ಸುದ್ದಿ
LOADING...
