ಕುಡುಂಬೂರು: ರಂಗಮಂದಿರ ಮೈದಾನ ಅಭಿವೃದ್ಧಿ ಕಾರ್ಯ ಶಾಸಕರಿಂದ ಉದ್ಘಾಟನೆ
ಸುರತ್ಕಲ್: ಮಂಗಳೂರು ನಗರ ಉತ್ತರ ವಿಧಾನಸಭೆ ಕ್ಷೇತ್ರದ ಪಾಲಿಕೆ ವ್ಯಾಪ್ತಿಯ ಬೈಕಂಪಾಡಿ ವಾರ್ಡ್ 10 ರಲ್ಲಿ ಕುಡುಂಬೂರು ರಂಗಮಂದಿರದ ಮೈದಾನದ ಮೂಲ ಸೌಕರ್ಯಗಳ ಅಭಿವೃದ್ಧಿ ಶಾಸಕರ ನಿಧಿಯಿಂದ 5 ಲಕ್ಷ ರೂ. ಅನುದಾನದಲ್ಲಿ ಆಗಿದ್ದು, ಶಾಸಕ ಡಾ.ವೈ. ಭರತ್ ಶೆಟ್ಟಿ ಭಾನುವಾರ ಉದ್ಘಾಟಿಸಿದರು.
ಈ ಸಂದರ್ಭ ಶಾಸಕರು ಅದೇ ಮೈದಾನದಲ್ಲಿ ಕುಡುಂಬೂರು ಪ್ರೀಮಿಯರ್ ಲೀಗ್ ಕ್ರಿಕೆಟ್ ಪಂದ್ಯಾವಳಿಗೆ ಚಾಲನೆ ನೀಡಿದರು. ಪಲ್ಸ್ ಪೋಲಿಯೊ ಕಾರ್ಯಕ್ರಮದ ಅಂಗವಾಗಿ ವೇದಿಕೆಯಲ್ಲಿ ಚಿಣ್ಣರಿಗೆ ಪೋಲಿಯೊ ಹನಿ ಹಾಕುವ ಮೂಲಕ ಸಾಂಕೇತಿಕವಾಗಿ ಜಾಗೃತಿ ಮೂಡಿಸಿದರು.
ಫ್ರೆಂಡ್ಸ್ ಕುಡುಂಬೂರು ವತಿಯಿಂದ ಶಾಸಕರನ್ನು ಹಾಗೂ ಸ್ಥಳೀಯ ಮನಪಾ ಸದಸ್ಯೆ ಸುಮಿತ್ರಾ ಅವರನ್ನು ಹಾಗೂ ನೂತನವಾಗಿ ಪಾಲಿಕೆಗೆ ನಾಮ ನಿರ್ದೇಶಿತರಾಗಿರುವ ರಾಜೇಶ್ ಸಾಲ್ಯಾನ್ ಅವರನ್ನು ಸನ್ಮಾನಿಸಲಾಯಿತು. ಕಾರ್ಯಕ್ರಮದಲ್ಲಿ ಅತಿಥಿ ಗಣ್ಯರು, ಪಕ್ಷದ ಮುಖಂಡರು, ಕಾರ್ಯಕರ್ತರು, ಸ್ಥಳೀಯರು ಉಪಸ್ಥಿತರಿದ್ದರು.
Kshetra Samachara
31/01/2021 06:42 pm
ಸಂಬಂಧಿತ ಸುದ್ದಿ
LOADING...
