ಕುಂಜತ್ತಬೈಲ್ : ವಿವಿಧ ಅಭಿವೃದ್ದಿ ಕಾಮಗಾರಿಗಳಿಗೆ ಚಾಲನೆ
ಕುಂಜತ್ತಬೈಲ್ :3.36 ಕೋಟಿ ರೂ. ಅನುದಾನದಲ್ಲಿ ಮಂಗಳೂರು ನಗರ ಉತ್ತರ ಕ್ಷೇತ್ರದ ಪಾಲಿಕೆ ವ್ಯಾಪ್ತಿಯ ಕುಂಜತ್ತಬೈಲ್ ದಕ್ಷಿಣ ವಾರ್ಡ್ 15 ರಲ್ಲಿ ವಿವಿಧ ಅಭಿವೃದ್ಧಿ ಕಾರ್ಯಗಳಿಗೆ ಮಂಗಳೂರು ಉತ್ತರ ಶಾಸಕ ಡಾ.ಭರತ್ ಶೆಟ್ಟಿಯವರು ಇಂದು ಚಾಲನೆ ನೀಡಿದರು.
ನಂತರ ಮಾತನಾಡಿದ ಶಾಸಕರು 2 ಕೋಟಿ ರೂಪಾಯಿ ಅನುದಾನದಲ್ಲಿ ಪಳನೀರು ಮುಖ್ಯ ರಸ್ತೆ, 1 ಕೋಟಿ ರೂ ಅನುದಾನದಲ್ಲಿ ಉರುಂದಾಡಿ ಗುಡ್ಡೆ ನವಚೇತನ ಫ್ರೆಂಡ್ಸ್ ಕ್ಲಬ್ ಬಳಿ ರಸ್ತೆ ಅಭಿವೃದ್ಧಿ, 20 ಲಕ್ಷ ರೂ ಅನುದಾನದಲ್ಲಿ ಪಿಂಟೋವ್ಯಾಲಿ ರಸ್ತೆ ಅಭಿವೃದ್ಧಿ, 11 ಲಕ್ಷ ರೂ ಅನುದಾನದಲ್ಲಿ ವಾರ್ಡಿನ ಹಲವು ಚರಂಡಿ ಅಭಿವೃದ್ಧಿ, 4.98 ಲಕ್ಷ ರೂ ಅನುದಾನದಲ್ಲಿ ಕಾವೂರು ತಾಳಿತೋಟ ರಸ್ತೆ ಅಭಿವೃದ್ಧಿ ಸಹಿತ ಒಟ್ಟು 3.36 ಕೋಟಿ ರೂ ಅನುದಾನದಲ್ಲಿ ಅಭಿವೃದ್ಧಿ ಕಾಮಗಾರಿಗಳು ನಡೆಯಲಿವೆ ಎಂದು ಮಾಹಿತಿ ನೀಡಿದರು.
ಈ ಸಂದರ್ಭ ಉಪಮೇಯರ್ ಸುಮಂಗಲಾ, ಮಹಾ ಶಕ್ತಿ ಕೇಂದ್ರದ ಕಾರ್ಯದರ್ಶಿ ಸೀತೇಶ್ ಕೊಂಡೆ, ಸುಜಿತ್, ಬೂತ್ ಅಧ್ಯಕ್ಷ ದಿಲೀಪ್ ,ಭುಜಂಗ,ಹರೀಶ್, ಅಭಿಯಂತರ ದೀಕ್ಷಾ, ಪ್ರಮುಖರಾದ ಚಂದ್ರಶೇಖರ್, ಅಜಿತ್, ಜೀವಿತ ಶೆಟ್ಟಿ, ವಿದ್ಯಾ, ವಾಣಿ ಗೋಕುಲೆ ಹಾಗೂ ಗಣ್ಯರು, ವಾರ್ಡಿನ ನಾಗರಿಕರು ಉಪಸ್ಥಿತರಿದ್ದರು.
Kshetra Samachara
11/05/2022 04:35 pm
ಸಂಬಂಧಿತ ಸುದ್ದಿ
LOADING...
