ಕಟೀಲು: ವಿವಿಧೆಡೆ ಸೌರ ಋಗುಪಾಕರ್ಮ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಕಟೀಲು: ವಿವಿಧೆಡೆ ಸೌರ ಋಗುಪಾಕರ್ಮ

ಮುಲ್ಕಿ: ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದಲ್ಲಿ ಶನಿವಾರ ಸೌರ ಋಗುಪಕರ್ಮ ನಡೆಯಿತು.

ಮೊದಲಿಗೆ ದೇವಳದ ಗಣಪತಿ ದೇವರಿಗೆ ಯಜ್ಞೋಪವೀತವನ್ನು ತೊಡಿಸಲಾಯಿತು. ಬಳಿಕ ವಿಪ್ರರು ಯಜ್ಞೋಪವೀತ ದಾರಣೆ ಸಹಿತ ಇನ್ನಿತರ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಿತು. ಈ ಸಂದರ್ಭ ದೇವಳದ ತಂತ್ರಿಗಳಾದ ಶಿಬರೂರು ವೇದವ್ಯಾಸ ತಂತ್ರಿಗಳು ಆಶೀರ್ವಚನ ನೀಡಿ ಋಗುಪಕರ್ಮದ ಮಹತ್ವವನ್ನು ತಿಳಿಸಿದರು.

ದೇವಸ್ಥಾನದ ಅನುವಂಶಿಕ ಮೊಕ್ತೇಸರ ವಾಸುದೇವ ಆಸ್ರಣ್ಣ, ಆಸ್ರಣ್ಣ ಬಂಧುಗಳು ಮತ್ತಿತರರಿದ್ದರು. ಕಟೀಲು ಪರಿಸರದ ಕಟೀಲು ಗೋಪಾಲಕೃಷ್ಣ ಆಸ್ರಣ್ಣ ಸಭಾಭವನ, ಎಕ್ಕಾರು ಮಠ, ಶಿಬರೂರು ಶ್ರೀ ಲಕ್ಷ್ಮೀ ಜನಾರ್ದನ ದೇವಸ್ಥಾನ, ಪೊನ್ನಗಿರಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ, ಕಿನ್ನಿಗೋಳಿ ರಾಘವೇಂದ್ರ ಮಠ, ಅತ್ತೂರು ಬೈಲು ಶ್ರೀ ಮಹಾಗಣಪತಿ ಮಂದಿರ, ಪುನರೂರು ಶ್ರೀ ವಿಶ್ವನಾಥ ದೇವಸ್ಥಾನ, ತಾಳಿಪಾಡಿ ವೆಂಕಟರಮಣ ಮಠ, ಪಂಜ ಮಹಾಗಣಪತಿ ಮಂದಿರ, ಸುರಗಿರಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಗಳಲ್ಲೂ ಸೌರ ಋಗುಪಕರ್ಮ ನಡೆಯಿತು.

Edited By :