'ಇದು ಬಾಹುಬಲಿ ಸೆಟ್ ಅಲ್ಲ ಕಣ್ರೀ'
ನವದೆಹಲಿ: ಕೇಂದ್ರ ಸರ್ಕಾರದ ಮೂರು ಕೃಷಿ ಕಾನೂನುಗಳ ವಿರುದ್ಧದ ಪ್ರತಿಭಟನೆ ಕಾವು ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆ ಹೆಚ್ಚಾಗಿದೆ. ಈ ಹಿನ್ನೆಲೆಯಲ್ಲಿ ದೆಹಲಿಯ ಘಾಜಿಪುರ್ ಬಾರ್ಡರ್ ಅಕ್ಷರಶಃ ಯಾವುದೋ ಸಿನಿಮಾ ಸೆಟ್ನಂತೆ ಪೊಲೀಸ್‌ ಪಡೆ ನಿಯೋಜನೆಗೊಂಡಿದೆ.
ಘಾಜಿಪುರ್ ಗಡಿಯಲ್ಲಿ ನೂರಾರು ಪೊಲೀಸರು ಸೈನಿಕರಂತೆ ನಿಂತಿದ್ದು, ಅವರ ಮುಂದೆ ಹತ್ತಾರು ಅಡಿಗಳಷ್ಟು ದೂರ ಸಿಮೆಂಟ್ನ ಬ್ಯಾರಿಕೇಡ್ಗಳನ್ನು ಜೋಡಿಸಲಾಗಿದೆ. ಅವುಗಳ ಮಧ್ಯೆ ಸಿಮೆಂಟ್ ಸುರಿದು, ಮೊಳೆಗಳನ್ನು ಇಡಲಾಗಿದೆ. ಅಷ್ಟೇ ಅಲ್ಲದೆ ನಾಲ್ಕೈದು ಸಾಲುಗಳಲ್ಲಿ ಕಬ್ಬಿಣದ ಬ್ಯಾರಿಕೇಡ್ಗಳನ್ನು ನಿಲ್ಲಿಸಲಾಗಿದೆ. ಇದರೊಂದಿಗೆ ಲಾಠಿ ಹಿಡಿಯುತ್ತಿದ್ದ ಪೊಲೀಸರ ಕೈಗೆ ಖಡ್ಗದಂತೆ ಕಾಣುವ ಕಬ್ಬಿಣದ ರಾಡ್‌ಗಳು ನೀಡಲಾಗಿದೆ. ಈ ಎಲ್ಲ ದೃಶ್ಯಗಳ ವಿಡಿಯೋ ಹಾಗೂ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.
ಫೆಬ್ರವರಿ 6ರಂದು ದೇಶದಾದ್ಯಂತ 3 ಗಂಟೆ ಕಾಲ ರಸ್ತೆ ತಡೆ ನಡೆಸುವಂತೆ ರೈತ ಸಂಘಟನೆಗಳು ಕರೆಕೊಟ್ಟಿವೆ. ರೈತರು ಕೃಷಿ ಕಾನೂನುಗಳನ್ನು ವಾಪಸ್ ತೆಗೆದುಕೊಳ್ಳದ ಹೊರತು ವಾಪಸ್ ತೆರಳುವುದಿಲ್ಲ ಎಂದು ಪಟ್ಟು ಹಿಡಿದಿದ್ರೆ. ಇನ್ನೊಂದೆಡೆ ಸರ್ಕಾರ ತಿದ್ದುಪಡಿಯ ಹೊರತಾಗಿ ಮತ್ಯಾವ ಆಯ್ಕೆಯನ್ನೂ ನೀಡಲ್ಲ ಎಂದು ನಿರ್ಧರಿಸಿದಂತಿದೆ.
PublicNext
02/02/2021 11:47 am
ಸಂಬಂಧಿತ ಸುದ್ದಿ
LOADING...
