ಜಾಗತಿಕ ಜನಪ್ರಿಯತೆಯಲ್ಲಿ ಪ್ರಧಾನಿ ಫಸ್ಟ್
ಹೊಸದಿಲ್ಲಿ: ಭಾರತದ ಪ್ರಧಾನಿ ಮೋದಿ ವಿಶ್ವಕ್ಕೆ ಅಚ್ಚುಮೆಚ್ಚು.
ಸದ್ಯ ಅಮೆರಿಕದ ಮಾರುಕಟ್ಟೆ ಅಧ್ಯಯನ ಹಾಗೂ ಡೇಟಾ ಇಂಟೆಲಿಜೆನ್ಸ್ ಸಂಸ್ಥೆ “ಮಾರ್ನಿಂಗ್ ಕನ್ಸಲ್ಟ್’ ಜಗತ್ತಿನ ಅತೀ ಜನಪ್ರಿಯ ರಾಷ್ಟ್ರ ನಾಯಕರ ಪಟ್ಟಿ ಬಿಡುಗಡೆ ಮಾಡಿದ್ದು, ಪ್ರಧಾನಿ ನರೇಂದ್ರ ಮೋದಿ ಈ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿರುವುದು ವಿಶೇಷ.
ಭಾರತ, ಅಮೆರಿಕ, ಜಪಾನ್, ಬ್ರೆಜಿಲ್ ಸೇರಿದಂತೆ 13 ರಾಷ್ಟ್ರಗಳ ನಾಯಕರಲ್ಲಿ ನರೇಂದ್ರ ಮೋದಿಯವರಿಗೇ ಅತೀ ಹೆಚ್ಚು ಅಂಕಗಳು ದೊರೆತಿವೆ.
ಈ ವಿಷಯವನ್ನು ಬಿಜೆಪಿ ಅಧ್ಯಕ್ಷ ಜೆ.ಪಿ. ನಡ್ಡಾ ಅವರು ಗೌರವಾನ್ವಿತ ಪ್ರಧಾನಿ ನರೇಂದ್ರ ಮೋದಿಯವರ ಜನಪ್ರಿಯತೆಯು ದೇಶದ ಎಲ್ಲ ಜನ ವರ್ಗಗಳಲ್ಲಿ ಅಬಾಧಿತವಾಗಿ ಏರಿಕೆಯಾಗುತ್ತಿರುವುದರ ಜತೆಗೇ, ದೇಶದೆಡೆಗಿನ ಅವರ ಸಮರ್ಪಣ ಮನೋಭಾವಕ್ಕೆ ಜಾಗತಿಕವಾಗಿಯೂ ಮನ್ನಣೆ ಗಳಿಸುತ್ತಿದ್ದಾರೆ.
ಈ ಕಠಿನ ಸಮಯದಲ್ಲಿ ಪ್ರಧಾನಿ ಮೋದಿ ಜಾಗತಿಕ ನಾಯಕರಲ್ಲಿ ನಂಬರ್ 1 ಸ್ಥಾನದಲ್ಲಿದ್ದಾರೆ ಎಂದು ನಡ್ಡಾ ಟ್ವೀಟ್ ಮಾಡಿದ್ದಾರೆ.
ಇನ್ನೊಂದೆಡೆ ರಕ್ಷಣ ಸಚಿವ ರಾಜನಾಥ್ ಸಿಂಗ್ ಅವರು, “”ಪ್ರಧಾನಿ ಮೋದಿಯವರ ಜನಪ್ರಿಯತೆ ಮತ್ತು ವಿಶ್ವಾಸಾರ್ಹತೆಯನ್ನು ಜಾಗತಿಕವಾಗಿ ಗುರುತಿಸಲಾಗಿದೆ.
ಈ ಸಾಂಕ್ರಾಮಿಕದ ಸಮಯದಲ್ಲಿ ಅವರು ತೋರುತ್ತಿರುವ ನಾಯಕತ್ವ ಗುಣವನ್ನು ಕೊಂಡಾಡಲಾಗುತ್ತಿದೆ.
ಇದು ನಿಜಕ್ಕೂ ಭಾರತಕ್ಕೆ ಹೆಮ್ಮೆಯ ಸಮಯ” ಎಂದಿದ್ದಾರೆ.
PublicNext
03/01/2021 07:34 am
ಸಂಬಂಧಿತ ಸುದ್ದಿ
LOADING...
