ಕುಂದಗೋಳ : ಗ್ರಾಪಂ ಚುನಾವಣೆ ಆಯ್ತು, ನೀರಿನ ಘಟಕ ದುರಸ್ತಿ ಮಾಡ್ರಿ !
ಕುಂದಗೋಳ : ನಮಸ್ಕಾರಿ ರೀ ಕುಂದಗೋಳ ತಾಲೂಕ ಪಂಚಾಯತಿ ಮತ್ತು ಗ್ರಾಮೀಣ ಶುದ್ಧ ಕುಡಿಯುವ ನೀರು ನೈರ್ಮಲ್ಯ ಇಲಾಖೆ ಅಧಿಕಾರಿಗಳೇ ಮೊನ್ನೆ ಪಶುಪತಿಹಾಳ ಗ್ರಾಮ ಪಂಚಾಯಿತಿ ಸದಸ್ಯರ ಅವಧಿ ಮುಗಿತು ಅಂತ್ಹೇಳಿ ಎಲೆಕ್ಷನ್ ಮಾಡಿ ಹೊಸಾ ಅಭ್ಯರ್ಥಿ ತಂದ್ರಿ.
ಆದ್ರೇ.! ಈಗ ಅದೇ ಪಶುಪತಿಹಾಳ ಗ್ರಾಮದಲ್ಲಿ ಶುದ್ಧ ಕುಡಿಯುವ ನೀರಿನ ಘಟಕ ಕೆಟ್ಟು 7 ವರ್ಷ ಕಳೆದಿದ್ದರೂ ದುರಸ್ತಿ ಮಾಡಿಲ್ಲಂದ್ರ ಹೇಂಗರಿ, ಮೊದಲ್ ನಾನಾ ರೋಗ ರುಜಿನದ ಜೊತೆ ಈ ಕೊರೊನಾ ಒಮಿಕ್ರಾನ್ ಹಾವಳಿ ಐತಿ. ಇಂತಹ ಸಂದರ್ಭದಾಗ ಜನರಿಗೆ ಶುದ್ಧ ಕುಡಿಯುವ ನೀರು ಇಲ್ಲಂದ್ರ ಅವರ ಪರಿಸ್ಥಿತಿ ಏನು ?
ಇದೇ ಪಶುಪತಿಹಾಳ ಗ್ರಾಮಾದಾಗ ಬಸ್ ನಿಲ್ದಾಣದ ಪಕ್ಕದ ಶುದ್ಧ ನೀರಿನ ಘಟಕ ಹಾಳಾಗಿದ್ದು ಜನಾ ಅಲ್ಲೇ ದನಾ ಕರಾ ಕಟ್ಟತಾರ್, ಕುಡುಕರು ಅಲ್ಲೇ ಕುಡಿತಾರ್, ಮತ್ತ್ ಸುತ್ತಲೂ ನಿರ್ವಹಣೆ ಇಲ್ಲದೆ ಕಸ ಬಿದೈತಿ ಇದರ ನಡುವೆ ಈ ಶುದ್ಧ ನೀರಿನ ಘಟಕ ನಿರ್ವಹಣೆ ಇಲ್ಲದೆ ಹಾಳಾಗಿ ಹೋಗೇತಿ.
ದಯವಿಟ್ಟು ಶುದ್ಧ ನೀರಿನ ಘಟಕದ ಬಗ್ಗೆ ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆ ಅಧಿಕಾರಿಗಳೇ ಗಮನಿಸಿ.
Kshetra Samachara
03/01/2022 01:43 pm
ಸಂಬಂಧಿತ ಸುದ್ದಿ
LOADING...
