ಹುಬ್ಬಳ್ಳಿ ಬ್ರೇಕಿಂಗ್: ತಂಗಿಗೆ ಚುಡಾಯಿಸಿದವನಿಗೆ ಚಾಕು ಇರಿದ ಅಣ್ಣಂದಿರು; ಯುವಕ ಸಾವು
ಹುಬ್ಬಳ್ಳಿ: ಹಳೇಹುಬ್ಬಳ್ಳಿ ಪೋಲಿಸ್ ಠಾಣೆಯ ವ್ಯಾಪ್ತಿಯಲ್ಲಿ ಗುರುವಾರ ರಾತ್ರಿ ನಡೆದ ಚಾಕು ಇರಿತದಲ್ಲಿ ಗಂಭೀರವಾಗಿ ಗಾಯಗೊಂಡಿದ್ದ ಚಂದ್ರು ಗುಗ್ಗರಿ ಎಂಬಾತ ಚಿಕಿತ್ಸೆ ಫಲಕಾರಿಯಾಗದೇ ಇಂದು ಬೆಳಿಗ್ಗೆ ಕಿಮ್ಸ್ ನಲ್ಲಿ ಮೃತಪಟ್ಟಿದ್ದಾನೆ.
ಚಂದ್ರು ಗುಗ್ಗರಿ ಆಟೋ ಚಾಲಕನಾಗಿದ್ದು, ಎಂದಿನಂತೆ ಆಟೋ ಓಡಿಸುತ್ತಿದ್ದಾಗ ಬೇಪಾರಿ ಪ್ಲಾಟ್ ಬಳಿ ವಿನಾಯಕ ಮತ್ತು ಕಿರಣ ಭಜಂತ್ರಿ ಸೇರಿದಂತೆ ಮತ್ತಿತರರು ತಮ್ಮ ಸಹೋದರಿಗೆ ಚಂದ್ರು ಚುಡಾಯಿಸುತ್ತಿದ್ದ ಎಂಬ ಕಾರಣಕ್ಕೆ ಏಕಾಏಕಿ ಚಾಕುವಿನಿಂದ ತಲೆ, ಬೆನ್ನು, ಕುತ್ತಿಗೆ ಸೇರಿದಂತೆ ಸಿಕ್ಕ ಸಿಕ್ಕಲ್ಲಿ ಚೂರಿ ಇರಿದಿದ್ದರು.
ಈ ವೇಳೆ ಗಂಭೀರವಾಗಿ ಗಾಯಗೊಂಡಿದ್ದ ಚಂದ್ರನನ್ನು ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿತ್ತು. ಆದರೆ ಇಂದು ಬೆಳಗಿನ ಜಾವ ಚಿಕಿತ್ಸೆ ಫಲಕಾರಿಯಾಗದೇ ಚಂದ್ರು ಮೃತಪಟ್ಟಿದ್ದಾನೆ.
ಈ ಕುರಿತು ಹಳೇಹುಬ್ಬಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಈಗಾಗಲೇ ಚಾಕು ಇರಿದ ವಿನಾಯಕ ಮತ್ತು ಕಿರಣ ಎಂಬಾತರನ್ನು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ.
Kshetra Samachara
24/06/2022 01:21 pm
ಸಂಬಂಧಿತ ಸುದ್ದಿ
LOADING...
