ಹುಬ್ಬಳ್ಳಿ: ಹಳೇ ದ್ವೇಷದ ಹಿನ್ನೆಲೆ- ಸ್ನೇಹಿತರಿಂದಲೇ ಕಾಲೇಜು ವಿದ್ಯಾರ್ಥಿ ಗೆ ರಾಡ್ ನಿಂದ ಹಲ್ಲೆ
ಹುಬ್ಬಳ್ಳಿ: ಹಳೇ ದ್ವೇಷದ ಹಿನ್ನೆಲೆಯಲ್ಲಿ ಕಾಲೇಜು ವಿದ್ಯಾರ್ಥಿಯನ್ನು ಆತನ ಸ್ನೇಹಿತರೇ ಕಾಲೇಜಿನಲ್ಲಿ ರಾಡ್ ನಿಂದ ಮಾರಣಾಂತಿಕವಾಗಿ ಹಲ್ಲೆ ನಡೆಸಿದ ಪರಿಣಾಮ ವಿದ್ಯಾರ್ಥಿ ಕಿಮ್ಸ್ ಆಸ್ಪತ್ರೆಗೆ ದಾಖಲಾದ ಘಟನೆ ವಿದ್ಯಾನಗರದ ಜೆ.ಜೆ. ಕಾಲೇಜಿನಲ್ಲಿ ಇಂದು ಸಂಜೆ ನಡೆದಿದೆ.
ಹೀಗೆ ಆಸ್ಪತ್ರೆಯ ಬೆಡ್ ಮೇಲೆ ಮಲಗಿರೋ ಈತನ ಹೆಸರು ಶ್ರೀನಿವಾಸ ಅಂಬಿಗೇರ್. ಹುಬ್ಬಳ್ಳಿಯ ಸೆಟ್ಲಿಮೆಂಟ್ ನಿವಾಸಿ. ಇಂದು ಸಂಜೆ ಕಾಲೇಜು ಮುಗಿಸಿಕೊಂಡು ಮನೆಗೆ ಹೋಗಲು ಬೈಕ್ ಹತ್ತಿದಾಗ ಸಹಪಾಠಿಯಾದ ವಿರಾಟ್ ಜಾಧವ, ಅಜಿತೇಶ್, ರಕ್ಷಿತ್ ಹಾಗೂ ಸ್ನೇಹಿತರು ಶ್ರೀನಿವಾಸ್ ಜೊತೆ ಜಗಳ ತೆಗೆದು ಆತನ ಮುಖಕ್ಕೆ ಜರ್ಕಿನ್ ಹಾಕಿ ರಾಡ್ ಹಾಗೂ ಪಂಚ್‌ ನಿಂದ ಹಲ್ಲೆ ನಡೆಸಿ ಪರಾರಿಯಾಗಿದ್ದಾರೆ.
ಇತ್ತ ಏಟು ತಿಂದು ಬಿದ್ದಿದ್ದ ಶ್ರೀನಿವಾಸನನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಿ ಆತನ ಪೋಷಕರಿಗೆ ಘಟನೆಯ ಮಾಹಿತಿ ನೀಡಲಾಯಿತು. ಆಸ್ಪತ್ರೆಗೆ ಶ್ರೀನಿವಾಸನ ಪೋಷಕರು ಆಗಮಿಸಿ ಮಗನಿಗೆ ಚಿಕಿತ್ಸೆ ಕೊಡಿಸುತ್ತಿದ್ದು, ಈ ಹಿಂದೆ ಕೂಡ ನನ್ನ ಮಗನ ಮೇಲೆ ಈ ರೀತಿಯಾಗಿ ಹಲ್ಲೆ ಆಗಿದೆ. ನನಗೆ ಇರೋದೇ ಒಬ್ಬ ಮಗ. ಆತನಿಗೆ ಏನಾದ್ರೂ ಹೆಚ್ಚು ಕಡಿಮೆ ಆದ್ರೆ ಅದಕ್ಕೆ ನೇರವಾಗಿ ವಿರಾಟ್ ಜಾಧವನೇ ಕಾರಣ ಅಂತಾ ಮಾಧ್ಯಮದ ಮುಂದೆ ತಮ್ಮ ಅಳಲನ್ನು ತೋಡಿಕೊಂಡರು.
ಮಕ್ಕಳನ್ನು ಕಾಲೇಜಿಗೆ ಕಳುಹಿಸಿ ಚೆನ್ನಾಗಿ ಓದಿ ಕಲಿತು ಉನ್ನತ ಮಾರ್ಗದಲ್ಲಿ ನಡೆಯಲಿ ಅಂತಾ ಕಳಿಸಿಕೊಟ್ಟರೆ ಮಕ್ಕಳು ಮಾತ್ರ ಹವಾ ಮೆಂಟೇನ್ ಮಾಡಲು ಕಾಲೇಜಿನಲ್ಲಿ ಹೊಡೆದಾಡಿಕೊಳ್ಳುತ್ತಿರೋದು ದುರಂತ. ಈ ಘಟನೆಯ ಕುರಿತು ವಿದ್ಯಾನಗರ ಠಾಣೆ ಪೊಲೀಸರು ಯಾವ ಕ್ರಮ ಕೈಗೊಳ್ಳುತ್ತಾರೋ ಎಂಬುದನ್ನು ಕಾದು ನೋಡಬೇಕಿದೆ.
-ವಿನಯ ರೆಡ್ಡಿ, ಪಬ್ಲಿಕ್ ನೆಕ್ಸ್ಟ್ ಹುಬ್ಬಳ್ಳಿ
ಹುಬ್ಬಳ್ಳಿ-ಧಾರವಾಡ ನೆಕ್ಸ್ಟ್
07/12/2023 10:10 pm
ಸಂಬಂಧಿತ ಸುದ್ದಿ
LOADING...
