ಟಿ ವಿ ಎಸ್ ಎಕ್ಸ್ ಎಲ್ ಬೈಕ್ ಕದಿಯುತ್ತಿದ್ದ ಖತರ್ನಾಕ ಬೈಕ್ ಕಳ್ಳನ ಬಂಧನ
ಹುಬ್ಬಳ್ಳಿ: ನಾವು ಇಷ್ಟು ದಿನ ಬೆಲೆ ಬಾಳುವ ಜಾವಾ, ರಾಯಲ್ ಎನ್ ಫಿಲ್ಡ್, ಪಲ್ಸರ್, ಹೊಂಡಾ ಕಂಪನಿ ಬೈಕ್ ಕಳ್ಳತನ ಮಾಡುವ ಕಳ್ಳರನ್ನು ನೋಡಿದ್ದೇವೆ.
ಆದರೆ ಇಲ್ಲೊಬ್ಬ ಕಳ್ಳ ಡಿಫರೆಂಟ್. ಟಿವಿ ಎಸ್ ಎಕ್ಸ್ ಎಲ್ ಗಾಡಿಗಳನ್ನು ಟಾರ್ಗೆಟ್ ಮಾಡಿ ಕಳ್ಳತನ ಮಾಡುತ್ತಿದ್ದ
ಖತರ್ನಾಕ ಬೈಕ್ ಕಳ್ಳನನ್ನು ಬಂಧಿಸುವಲ್ಲಿ ವಿದ್ಯಾನಗರ ಠಾಣೆ ಪೊಲೀಸರು ಯಶಸ್ವಿಯಾಗಿದ್ದಾರೆ.
ಹಳೇ ಹುಬ್ಬಳ್ಳಿಯ ಪಡದಯ್ಯನ ಹಕ್ಕಲ ಬಡಾವಣೆಯ ನಿವಾಸಿ ನಾಗರಾಜ ಅಂಬಿಗೇರ ಬಂಧಿತ ಆರೋಪಿ. ಬಂಧಿತನಿಂದ 25 ವಾಹನಗಳನ್ನು ವಶಕ್ಕೆ ಪಡೆಯಲಾಗಿದೆ.
ಈತ ನಗರದ ರಸ್ತೆ ಅಕ್ಕಪಕ್ಕದಲ್ಲಿ ನಿಲ್ಲಿಸಲಾಗಿದ್ದ ಬೈಕ್ ಗಳನ್ನು ಕಳ್ಳತನ ಮಾಡುತ್ತಿದ್ದ. ಟಿ ವಿಎಸ್ ಎಕ್ಸ್ ಎಲ್ ಗಾಡಿಗಳನ್ನೇ ಟಾರ್ಗೆಟ್ ಮಾಡಿಕೊಂಡು ಕಳ್ಳತನ ಮಾಡುತ್ತಿದ್ದ. ಕಳ್ಳತನ ಮಾಡಿ ಮಾರಾಟ ಮಾಡುವ ಸಮಯದಲ್ಲಿ ಈತ ಬಲೆಗೆ ಬಿದಿದ್ದಾನೆ.
ಆರೋಪಿ ನಾಗರಾಜ ಗ್ಯಾರೇಜ್ ನಡೆಸುತ್ತಿದ್ದು, ಅಲ್ಲಿಗೆ ಬರುವ ಸಾರ್ವಜನಿಕರನ್ನು ನಂಬಿಸಿ ಅವರಿಗೆ ಬೈಕ್ ಗಳನ್ನು ಮಾರಾಟ ಮಾಡುತ್ತಿದ್ದ.
ಇದಲ್ಲದೆ ಬೆಲೆ ಬಾಳುವ ಬೈಕ್ ಗಳಾದ್ರೆ ಮಾರಾಟ ಮಾಡುವದು ಕಷ್ಟ ಎಂದು ಅರಿತು ಕಡಿಮೆ ಬೆಲೆಯ ಬೈಕ್ ಕಳ್ಳತನಕ್ಕೆ ಕೈ ಹಾಕಿ ಈತ ಪೊಲೀಸರ ಅತಿಥಿಯಾಗಿದ್ದಾನೆ.
Kshetra Samachara
22/12/2020 07:43 am
ಸಂಬಂಧಿತ ಸುದ್ದಿ
LOADING...
