ಒತ್ತಡದ ಬದುಕಿನಲ್ಲಿ ಬೆನ್ನು ನೋವು ಮಾಮೂಲಿ ಎನ್ನುವಂತ್ತಾಗಿದೆ.

ದೈನಂದಿನ ದಿನಗಳಲ್ಲಿ ಬೆನ್ನುನೋವು ಕಾಣಿಸಿಕೊಳ್ಳದೆ ಇರಲು ಸರಿಯಾದ ಭಂಗಿಯನ್ನು ಅಳವಡಿಸಿಕೊಳ್ಳುವುದು ಮುಖ್ಯ. ದೈಹಿಕ ಚಟುವಟಿಕೆಯು ಇಡೀ ದೇಹದ ಆರೋಗ್ಯದಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ.

ನಿಮ್ಮ ಬೆನ್ನಿನ ಮೇಲೆ ಒತ್ತಡವನ್ನು ಹಾಕದೆ ಪ್ರಯಾಣಿಸಿ

ಯಾವುದೇ ಸಾಮಾನುಗಳನ್ನು ಎತ್ತುವ ಮತ್ತು ಸಾಗಿಸುವ ವಿಧಾನವು ಬೆನ್ನಿನ ಮೇಲೆ ಸಂಪೂರ್ಣ ಬಲವನ್ನು ಪ್ರಯೋಗಿಸುತ್ತದೆ. ಇದು ನೋವನ್ನು ಉಂಟುಮಾಡುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ಎಚ್ಚರವಿರಲಿ.

ಕುಳಿತುಕೊಳ್ಳುವಾಗ ಮತ್ತು ನಿಂತಾಗ ಉತ್ತಮ ಭಂಗಿಯನ್ನು ಕಾಪಾಡಿಕೊಳ್ಳಿ

ನಾವು ದಿನನಿತ್ಯದಲ್ಲಿ ಕುಳಿತುಕೊಳ್ಳುವಾಗ, ನಿಂತಾಗ ಅಥವಾ ಕೆಲಸ ಮಾಡುವಾಗ ಕೆಟ್ಟ ಬಂಗಿಯಲ್ಲಿ ಕುಳಿತುಕೊಂಡರೆ ಅದು ಬೆನ್ನು ಮೂಳೆಯ ಮೇಲೆ ಅಸಮ ಒತ್ತಡವನ್ನುಂಟು ಮಾಡುತ್ತದೆ. ಆದ್ದರಿಂದ ಯಾವುದೇ ರೀತಿಯ ದೀರ್ಘ ಕೆಲಸಗಳನ್ನು ಮಾಡುವ ಸಂದರ್ಭದಲ್ಲಿ ನಿಮ್ಮ ಕುಳಿತುಕೊಳ್ಳುವ ಭಂಗಿಯನ್ನು ಉತ್ತಮವಾಗಿ ಇಟ್ಟುಕೊಳ್ಳಿ. ನಿಮ್ಮ ಕೆಲಸವು ಇಡೀ ದಿನ ಕುಳಿತುಕೊಂಡು ಮಾಡಲು ಬಯಸಿದರೆ ನಿಯಮಿತ ವಿರಾಮಗಳನ್ನು ತೆಗೆದುಕೊಳ್ಳಿ

ದೀರ್ಘಕಾಲ ಕುಳಿತ ನಂತರ ಕೊಬ್ಬನ್ನು ಸುಡಲು ಸಹಾಯಮಾಡುವ ಕಿಣ್ವಗಳು, 90ರಷ್ಟು ಇಳಿಯುತ್ತವೆ. 2 ಗಂಟೆಗಳ ನಂತರ, ಉತ್ತಮ ಕೊಲೆಸ್ಟ್ರಾಲ್ 20ರಷ್ಟು ಕಡಿಮೆಯಾಗುತ್ತದೆ.ನಾಲ್ಕು ಗಂಟೆಗಳ ನಂತರ ಇನ್ಸುಲಿನ್ ಪರಿಣಾಮಕಾರಿತ್ವ ಕಡಿಮೆಯಾಗುತ್ತದೆ ಮತ್ತು ಮಧುಮೇಹದ ಅಪಾಯವನ್ನು ಹೆಚ್ಚಿಸುತ್ತದೆ. ನ್ಯಾಷನಲ್ ಕ್ಯಾನ್ಸರ್ ಇನ್ಸ್ಟಿಟ್ಯೂಟ್ ಜನರಲ್ ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ನಾಲ್ಕು ಮಿಲಿಯನ್ ಗಿಂತಲೂ ಹೆಚ್ಚು ವ್ಯಕ್ತಿಗಳನ್ನು ಮತ್ತು 68,936 ಕ್ಯಾನ್ಸರ್ ಪ್ರಕರಣಗಳನ್ನು ನೋಡುತ್ತಾ, ದೀರ್ಘಕಾಲ ಕುಳಿತುಕೊಳ್ಳುವುದು ನಿಮ್ಮ ಕೊಲೋನ್, ಎಂಡೋಮೆಟ್ರಿಯಲ್ ಮತ್ತು ಶ್ವಾಸಕೋಶದ ಕ್ಯಾನ್ಸರ್ ನ ಅಪಾಯವನ್ನು ಹೆಚ್ಚಿಸುತ್ತದೆ.

ಅಮೇರಿಕನ್ ಜರ್ನಲ್ ಅಫ್ ಎಪಿಡೇಮಿಯಲಾಜಿಯಲ್ಲಿ ಪ್ರಕಟವಾದ ಅಧ್ಯಯನವು ದಿನಕ್ಕೆ ಆರು ಗಂಟೆಗಳಿಗಿಂತ ಹೆಚ್ಚು ಕಾಲ ಕುಳಿತುಕೊಳ್ಳುವ ಪುರುಷರು ಮತ್ತು ಮಹಿಳೆಯರು ತಮ್ಮ ಸಹವರ್ತಿಗಳಿಗಿಂತ ಮುಂಚಿತವಾಗಿ ಸಾಯುತ್ತಾರೆ ಎಂಬುವುದನ್ನು ಕಂಡುಕೊಂಡರು. ವಿರಾಮ ತೆಗೆದುಕೊಳ್ಳದೆ ಯಾವುದನ್ನು ಮಾಡಬೇಡಿ.

ಬೆನ್ನು ಮೂಳೆಯ ಮೇಲೆ ಒತ್ತಡವನ್ನು ತಪ್ಪಿಸಲು ಉತ್ತಮವಾದ ಮೆತ್ತನೆಯ ದಿಂಬನ್ನು ಬಳಸಿ.

ಉತ್ತಮವಾದ ದಿಂಬಿನ ಆಯ್ಕೆ ಮಾಡಿಕೊಂಡಾಗ ಮಾತ್ರ ನಿಮಗೆ ಯಾವುದೇ ರೀತಿಯ ಬೆನ್ನಿನ ಸಮಸ್ಯೆ ಉಂಟಾಗುವುದಿಲ್ಲ. ದಿಂಬಿನ ಎತ್ತರವು ಯಾವಾಗಲೂ ಸಂಪೂರ್ಣ ಬೆನ್ನುಮೂಳೆಗೆ ಅನುಗುಣವಾಗಿರಬೇಕು. ಉತ್ತಮವಾದ ದಿಂಬು ಕುತ್ತಿಗೆಯಿಂದ ಹಿಡಿದು ಭುಜದವರೆಗೆ ನಿಮ್ಮನ್ನು ಬೆಂಬಲಿಸುತ್ತದೆ.

ನೀವು ನೋವಿಗಾಗಿ ಕಾಲರ್ ಅಥವಾ ಬೆನ್ನಿನ ಬ್ರೇಸ್ ಅನ್ನು ಎಂದಿಗೂ ಬಳಸಬೇಡಿ

ಕುತ್ತಿಗೆ ಅಥವಾ ಬೆನ್ನು ನೋವಿನಿಂದ ಬಳಲುತ್ತಿದ್ದರೆ ಹಲವು ದಿನಗಳು ಅಥವಾ ವಾರಗಳವರೆಗೆ ಕಾಲರ್ ಅಥವಾ ಬೆನ್ನಿನ ಬ್ರೇಸ್ ಅನ್ನು ಸ್ವಯಂ ನಿಗದಿತ ಆಧಾರದ ಮೇಲೆ ಬಳಸುತ್ತಾರೆ. ಈ ಕಟ್ಟುಪಟ್ಟಿಗಳ ದೀರ್ಘಾವಧಿಯ ಬಳಕೆಯು ಹಾನಿಕಾರಕವಾಗಿದ್ದು, ನಿಮ್ಮ ಸ್ನಾಯುಗಳು ದುರ್ಬಲವಾಗಿ ಮತ್ತು ಕೀಲುಗಳು ಗಟ್ಟಿಯಾಗುವಂತೆ ಮಾಡುತ್ತದೆ.

ನಿಮ್ಮ ಕೀಲುಗಳ ಚಲನಶೀಲತೆಯನ್ನು ಕಡಿಮೆ ಮಾಡುವಂತಹ ಸಹಾಯಕ ಸಾಧನಗಳನ್ನು ಬಳಸುವ ಮೊದಲು ಯಾವಾಗಲೂ ವೈದ್ಯರನ್ನು ಸಂಪರ್ಕಿಸಿ. ಯಾವುದೇ ಕಾರಣಕ್ಕೂ ಈ ರೀತಿಯ ವಿಷಯಗಳಲ್ಲಿ ಸ್ವಂತ ನಿರ್ಧಾರವನ್ನು ತೆಗೆದುಕೊಳ್ಳಬೇಡಿ.