ವಿಟಮಿನ್ “ಎ” ಗಾಗಿ ಈ ಆಹಾರ ಸೇವಿಸಿ
ದೇಹವು ಸರಾಗವಾಗಿ ಕಾರ್ಯನಿರ್ವಹಿಸಲು ಸಾಕಷ್ಟು ಪ್ರಮಾಣದ ವಿಟಮಿನ್ ಎ ಬೇಕಾಗುತ್ತದೆ.
ಇದು ಜೀವಕೋಶಗಳ ಬೆಳವಣಿಗೆ, ರೋಗನಿರೋಧಕ ಕ್ರಿಯೆ, ದೃಷ್ಟಿ ಮತ್ತು ಭ್ರೂಣದ ಬೆಳವಣಿಗೆಗೆ ತುಂಬಾ ಸಹಾಯಕ.
ಹಾಗೆಯೇ ವಿಟಮಿನ್ ಎ ಚರ್ಮಕ್ಕೆ ಪ್ರಯೋಜನಕಾರಿಯಾಗಿದ್ದು, ಇದು ಉಗುರುಗಳು ಮತ್ತು ಕೂದಲಿನ ಉತ್ತಮ ಬೆಳವಣಿಗೆಗೆ ಸಹ ಅತ್ಯಗತ್ಯ.
ವಿಟಮಿನ್ ಎ ಸಾಕಷ್ಟು ಪ್ರಮಾಣದಲ್ಲಿ ಕಂಡುಬರುವ ಅನೇಕ ಆಹಾರಗಳಿವೆ.
ಆಹಾರದಲ್ಲಿ ಜೀವಸತ್ವಗಳು ಮತ್ತು ಖನಿಜಾಂಶಗಳನ್ನು ಹೊಂದಿದ್ದರೆ ಮಾತ್ರ ಆರೋಗ್ಯವಂತರಾಗಿರಲು ಸಾಧ್ಯ.
ಅಂತಹ ಆಹಾರಗಳಾವುವು ಅದರಿಂದ ಸಿಗುವ ಪ್ರಯೋಜನಗಳೇನು ತಿಳಿದುಕೊಳ್ಳೋಣ.
ವಿಟಮಿನ್ ಎ ಯ ಪ್ರಯೋಜನಗಳು: ವಿಟಮಿನ್ ಎ ಸೇವಿಸುವುದರಿಂದ ಕಣ್ಣಿನ ದೃಷ್ಟಿ ಉತ್ತಮಗೊಳ್ಳುವುದಲ್ಲದೆ, ರಾತ್ರಿ ಕುರುಡುತನವನ್ನು ತಡೆಯುತ್ತದೆ.
ಆಹಾರದಲ್ಲಿ ಸಾಕಷ್ಟು ಪ್ರಮಾಣದ ವಿಟಮಿನ್ ಎ ಸೇರಿಸುವುದರಿಂದ ವೃದ್ಧಾಪ್ಯದ ದೃಷ್ಟಿ ದುರ್ಬಲತೆಯನ್ನು ದೂರ ಮಾಡಬಹುದು.
ಸಸ್ಯ ಮತ್ತು ಪ್ರಾಣಿ ಆಧಾರಿತ ಆಹಾರಗಳು ವಿಟಮಿನ್ ಎ ಯ ವಿವಿಧ ಮೂಲಗಳಾಗಿವೆ.
ಕಾಡ್ ಲಿವರ್ ಎಣ್ಣೆ, ಮೊಟ್ಟೆ, ಬಲವರ್ಧಿತ ಧಾನ್ಯಗಳು, ಹಸಿರು ಎಲೆಗಳ ತರಕಾರಿಗಳು, ಕಿತ್ತಳೆ ಮತ್ತು ಹಳದಿ ತರಕಾರಿಗಳು, ಕ್ಯಾರೆಟ್ ಮತ್ತು ಹಣ್ಣುಗಳಲ್ಲಿ ವಿಟಮಿನ್ ಎ ಕಂಡುಬರುತ್ತದೆ.
ಹಾಗೆಯೇ ಬೀಫ್ ಲಿವರ್, ಬಟರ್, ಬ್ಲೂಫಿನ್ ಟೂನಾ ಮೀನು, ಸಾಲ್ಮೋನ್ ಮೀನುಗಳ ಸೇವನೆಯಿಂದ ಕೂಡ ವಿಟಮಿನ್ ಎ ಪಡೆಯಬಹುದು.
PublicNext
02/11/2020 04:00 pm
ಸಂಬಂಧಿತ ಸುದ್ದಿ
LOADING...
