ಡಬ್ಸ್ಮ್ಯಾಶ್ ವಿಡಿಯೋದಿಂದ ಸಸ್ಪೆಂಡ್: ಸರ್ಕಾರಿ ಕೆಲಸ ಬಿಟ್ಟ ಲೇಡಿ ಪೇದೆಗೆ ಬಂತು ಭರ್ಜರಿ ಆಫರ್!
ಲಕ್ನೋ: ತನ್ನ ಡಬ್ಸ್ಮ್ಯಾಶ್ ವಿಡಿಯೋದಿಂದ ಸಸ್ಪೆಂಡ್ ಆಗಿ ಸರ್ಕಾರಿ ಕೆಲಸಕ್ಕೆ ಗುಡ್‌ಬೈ ಹೇಳಿದ್ದ ಲೇಡಿ ಪೇದೆಗೆ ಈಗ ಬಂಬರ್ ಆಫರ್ ಬಂದಿದೆ.
ಹೌದು. ಉತ್ತರ ಪದೇಶದ ಪೊಲೀಸ್‌ ಇಲಾಖೆಯಲ್ಲಿ ಕಾನ್‌ಸ್ಟೇಬಲ್ ಆಗಿದ್ದ ಪ್ರಿಯಾಂಕಾ ಮಿಶ್ರಾ ಕರ್ತವ್ಯದ ವೇಳೆ ಯೂನಿಫಾರ್ಮ್ ಧರಿಸಿ, ಕೈಯಲ್ಲಿ ರಿವಾಲ್ವರ್ ಹಿಡಿದು ಡಬ್ಸ್ಮ್ಯಾಶ್ ವಿಡಿಯೋ ಮಾಡಿದ್ದರು. ಈ ವಿಡಿಯೋವನ್ನು ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹರಿಬಿಟ್ಟು, ನೆಟ್ಟಿಗರಿಂದ ಟ್ರೋಲ್ ಆಗಿದ್ದರು. ಅಷ್ಟೇ ಅಲ್ಲದೆ ಹಿರಿಯ ಅಧಿಕಾರಿಗಳ ಕೆಂಗಣ್ಣಿಗೆ ಗುರಿಯಾಗಿ ಪ್ರಿಯಾಂಕ ಅಮಾನತಾಗಿದ್ದರು. ತಮ್ಮ ಕೆಲಸಕ್ಕೆ ರಾಜೀನಾಮೆ ನೀಡಿರುವ ಪ್ರಿಯಾಂಕ ಮಿಶ್ರಾಗೆ ವೆಬ್ ಸೀರಿಸ್ ಮತ್ತು ಮಾಡೆಲಿಂಗ್ನಲ್ಲಿ ಆಫರ್ಗಳು ಬರುತ್ತಿವೆ.
ಈ ಬಗ್ಗೆ ಮಾಧ್ಯಮವೊಂದರ ಸಂದರ್ಶನದಲ್ಲಿ ಮಾತನಾಡಿರುವ ಪ್ರಿಯಾಂಕಾ ಹೇಳಿಕೊಂಡಿದ್ದಾರೆ, "ಮಾಡೆಲಿಂಗ್ ಅಥವಾ ನಟನೆಯಲ್ಲಿ ಒಳ್ಳೆಯ ಅವಕಾಶ ಸಿಕ್ಕರೆ ಖಂಡಿತ ಆ ಕ್ಷೇತ್ರಕ್ಕೆ ಪ್ರವೇಶ ನೀಡುತ್ತೇನೆ. ಸದ್ಯ ನನಗೆ ವೆಬ್ ಸೀರಿಸ್ ಮತ್ತು ಮಾಡೆಲಿಂಗ್ನಿಂದ ಆಫರ್ ಬಂದಿದೆ. ಆದರೆ ಅದನ್ನು ನಾನಿನ್ನು ಸ್ವೀಕರಿಸಿಲ್ಲ. ನಾನೇನೇ ನಿರ್ಧಾರ ತೆಗೆದುಕೊಂಡರು ಮೊದಲು ಯೋಚಿಸಿ ಆನಂತರ ಒಂದು ನಿರ್ಧಾರಕ್ಕೆ ಬರುತ್ತೇನೆ" ಎಂದು ಹೇಳಿದ್ದಾರೆ.
PublicNext
16/09/2021 05:44 pm
ಸಂಬಂಧಿತ ಸುದ್ದಿ
LOADING...
