ಸಿಖ್‌ ಧ್ವಜಕ್ಕೆ ಅವಮಾನಿಸಿದ್ದಕ್ಕೆ ಗುರುದ್ವಾರದಲ್ಲೇ ಹತ್ಯೆಯಾದ ಯುವಕ..ಪಂಜಾಬ್‌ನಲ್ಲಿ ಆತಂಕ ಹುಟ್ಟಿಸಿದ ಎರಡನೇ ಪ್ರಕರಣ….
ಪಂಜಾಬ್ – ನಿನ್ನೆ ರಾತ್ರಿ ಪಂಜಾಬ್ ನ ಅಮೃತಸರದ ಸ್ವರ್ಣಮಂದಿರದಲ್ಲಿ ಯುವಕನ ಹತ್ಯೆ ನಡೆದ ಬೆನ್ನಲ್ಲೇ ಇದೀಗ ಮತ್ತೊಂದು ಹತ್ಯೆಯ ಪ್ರಕರಣ ಬೆಳಕಿಗೆ ಬಂದಿದೆ. ಸಿಖ್‌ ಧ್ವಜಕ್ಕೆ ಅವಮಾನಿಸಿದ ಕಾರಣ ಗುರುದ್ವಾರದಲ್ಲಿದ್ದ ಜನರ ಗುಂಪು ವ್ಯಕ್ತಿಯೊಬ್ಬನನ್ನ ಹತ್ಯೆ ಮಾಡಿದ ಘಟನೆ ಪಂಜಾಬ್‌ನ ಕಪುರ್ತಾಲ ಜಿಲ್ಲೆಯ ನಿಜಾಂಪುರ್‌ ಗ್ರಾಮದಲ್ಲಿ ನಡೆದಿದೆ. ಇಂದು ಬೆಳಗಿನ ಜಾವ ೪ ಗಂಟೆಗೆ ಈ ಘಟನೆ ನಡೆದಿದೆ. ಮೊಬೈಲ್‌ನಲ್ಲಿ ವ್ಯಕ್ತಿಯೊಬ್ಬನಿಗೆ ಜನರೆಲ್ಲಾ ಸೇರಿ ಕೋಲಿನಿಂದ ಹೊಡೆದಿರುವ ದೃಶ್ಯ ರೆಕಾರ್ಡ್‌ ಆಗಿದೆ.
ವಿಷಯ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ಬಂದ ಪೊಲೀಸರು ಹಲ್ಲೆಗೊಳಗಾದ ವ್ಯಕ್ತಿಯನ್ನು ವಶಕ್ಕೆ ಪಡೆದು ಆಸ್ಪತ್ರೆಗೆ ಸಾಗಿಸುವ ವೇಳೆಗೆ ಆತ ಸಾವನ್ನಪ್ಪಿದ್ದ. ಈ ಘಟನೆಗೂ ಮೊದಲು ಧಾರ್ಮಿಕ ಆಚರಣೆಗೆ ಅಡ್ಡಿಪಡಿಸಿದ ಹಿನ್ನೆಲೆಯಲ್ಲಿ ಅಮೃತಸರದ ಗೋಲ್ಡನ್‌ ಟೆಂಪಲ್ ನಲ್ಲಿ ಯುವಕನೊಬ್ಬನ ಹತ್ಯೆ ನಡೆದಿತ್ತು. ಆ ಘಟನೆ ನಡೆದ ಕೆಲವೇ ಗಂಟೆಗಳಲ್ಲಿ ಮತ್ತೊಂದು ಅಂತದ್ದೇ ಘಟನೆ ನಡೆದಿರೋದು ರಾಜ್ಯಾದ್ಯಂತ ಆತಂಕ ಸೃಷ್ಟಿ ಮಾಡಿದೆ.
PublicNext
19/12/2021 06:11 pm
ಸಂಬಂಧಿತ ಸುದ್ದಿ
LOADING...
