ಒಬ್ಬನಿಗಾಗಿ ರಸ್ತೆಯಲ್ಲೇ ಯುವತಿಯರಿಬ್ಬರ ನಡುವೆ ಫೈಟಿಂಗ್
ಲಕ್ನೋ: ಯುವಕನೋರ್ವನಿಗಾಗಿ ಇಬ್ಬರು ಯುವತಿಯರು ರಸ್ತೆಯ ಮಧ್ಯದಲ್ಲೇ ಹೊಡೆದಾಡಿಕೊಂಡ ಘಟನೆ ಉತ್ತರ ಪ್ರದೇಶದ ರಾಜಧಾನಿ ಲಕ್ನೋದಲ್ಲಿ ನಡೆದಿದೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಲಕ್ನೋದ ಬಾರಾಬಿರ್ವಾ ಚೌರ್ಗೆ ಹತ್ತಿರದ ಹೋಟೆಲ್ ಎದುರು ಸೋಮವಾರ ರಾತ್ರಿ ಘಟನೆ ನಡೆದಿದೆ. ರಾಬಿನ್ ಎಂಬಾತನನ್ನು ಇಬ್ಬರು ಯುವತಿಯರು ಪ್ರೀತಿಸುತ್ತಿದ್ದರು. ಈ ಪೈಕಿ ಓರ್ವ ಯುವತಿ (ರಾಬಿನ್ ಮಾಜಿ ಗೆಳತಿ) ಕಾರಿನಲ್ಲಿ ಕುಳಿತು ತನ್ನ ಗೆಳೆಯನಿಗಾಗಿ ರಸ್ತೆಯಲ್ಲಿ ಕಾಯುತ್ತಾ ನಿಂತಿದ್ದಳು. ಅದೇ ವೇಳೆ ಗೆಳೆಯ ರಾಬಿನ್ ಬೇರೊಂದು ಯುವತಿಯ ಜೊತೆ ಹೋಟೆಲ್ನಿಂದ ಹೊರಗೆ ಬರುವುದನ್ನು ಕಂಡು ಜಗಳಕ್ಕೆ ಇಳಿದಿದ್ದಾಳೆ. ಇದರಿಂದಾಗಿ ಯುವತಿಯರು ಪರಸ್ಪರ ಹೊಡೆದಾಡಿದ್ದಾರೆ.
ಘಟನೆಯಲ್ಲಿ ಹಲ್ಲೆಗೊಳಗಾದ ಹಳೆ ಗೆಳತಿಯನ್ನು ರಾಬಿನ್ ಸಮೀಪದ ಆಸ್ಪತ್ರೆಗೆ ದಾಖಲಿಸಿದ್ದಾನೆ. ರಾಬಿನ್ನ ಹಳೆ ಗೆಳತಿ ಎಚ್ಚರವಾದ ನಂತರ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿದ್ದಾರೆ. ಈ ಸಂಬಂಧ ಎಫ್ಐಆರ್ ದಾಖಲಾಗಿದ್ದು, ರಾಬಿನ್ ಹೊಸ ಗೆಳತಿಯನ್ನು ಪೊಲೀಸರು ಬಂಧಿಸಿದ್ದಾರೆ.
PublicNext
28/10/2021 09:27 am
ಸಂಬಂಧಿತ ಸುದ್ದಿ
LOADING...
