ಉದ್ಯೋಗದ ಆಸೆ ತೋರಿಸಿ 6 ಜನ ಮಹಿಳೆಯನ್ನ ಮದ್ವೆಯಾದ ಭೂಪ.!
ಕೋಲ್ಕತ್ತಾ: ಉದ್ಯೋಗ ಕೊಡಿಸುವುದಾಗಿ ಆರು ಜನ ಮಹಿಳೆಯರಿಗೆ ವಂಚಿಸಿ ಮದುವೆಯಾಗಿದ್ದ ವ್ಯಕ್ತಿಯೊಬ್ಬನನ್ನು ಇಬ್ಬರು ಪತ್ನಿಯರು ರೆಡ್ ಹ್ಯಾಂಡಾಗಿ ಹಿಡಿದು, ಪೊಲೀಸರಿಗೆ ಒಪ್ಪಿಸಿರುವ ಘಟನೆ ಪಶ್ಚಿಮ ಬಂಗಾಳದ ಜಲಪೈಗುರಿ ಜಿಲ್ಲೆಯಲ್ಲಿ ನಡೆದಿದೆ.
ಬಿಹಾರದ ವೈಶಾಲಿ ಮೂಲದ ರಾಹುಲ್ ಸಿಂಗ್ ಬಂಧಿತ ಆರೋಪಿ. ರಾಹುಲ್ ಸಿಂಗ್ ಪಶ್ಚಿಮ ಬಂಗಾಳದ ಜಲಪೈಗುರಿ ಜಿಲ್ಲೆಯ ನಿಯೋರಾ ಟೀ ಗಾರ್ಡನ್ನಲ್ಲಿ ಆರನೇ ಪತ್ನಿಯೊಂದಿಗೆ ವಾಸವಾಗಿದ್ದ. ಆಗಸ್ಟ್ 29ರಂದು ಪಶ್ಚಿಮ ಬಂಗಾಳಕ್ಕೆ ಬಂದ ಇಬ್ಬರು ಪತ್ನಿಯರು, ರಾಹುಲ್ ಸಿಂಗ್ನನ್ನು ರೆಡ್ಹ್ಯಾಂಡಾಗಿ ಹಿಡಿದಿದ್ದಾರೆ. ಇದೇ ವೇಳೆ, ರಾಹುಲ್ ಸಿಂಗ್ನನ್ನು ಮದುವೆಯಾಗಿರುವ ಬಗ್ಗೆ ದಾಖಲೆಗಳನ್ನು ಕೂಡ ತೋರಿಸಿದ್ದಾರೆ. ನಂತರ ಸ್ಥಳೀಯವಾಗಿರುವ ಮಲ್ ಪೊಲೀಸ್ ಠಾಣೆಗೆ ಇಬ್ಬರೂ ದೂರು ನೀಡಿದ್ದಾರೆ.
ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ, ವಿಚಾರಣೆ ನಡೆಸಿದಾಗ ರಾಹುಲ್ ಸಿಂಗ್ ಸುಮಾರು 6 ಮಂದಿಯನ್ನು ಆತ ಮದುವೆಯಾಗಿರುವುದು ತಿಳಿದು ಬಂದಿದೆ. ಈಗ ವಂಚನೆ ಮತ್ತು ಇತರ ಆರೋಪಗಳ ಅಡಿ ರಾಹುಲ್ ಸಿಂಗ್ ವಿರುದ್ಧ ದೂರು ದಾಖಲಾಗಿದೆ. ಆರೋಪಿಯನ್ನು ಕೋರ್ಟ್ ಮುಂದೆ ಹಾಜರುಪಡಿಸಿ, ಪೊಲೀಸ್ ಕಸ್ಟಡಿಗೆ ವಿಚಾರಣೆಗೆ ತೆಗೆದುಕೊಳ್ಳಲಾಗಿದೆ.
PublicNext
04/09/2021 10:28 pm
ಸಂಬಂಧಿತ ಸುದ್ದಿ
LOADING...
