ಮಂಗಳವಾರ ರಜಾ ದಿನಾ ಸಿನಿಮಾ ಇದೇ ಡಿಸೆಂಬರ್ ಪ್ರೇಕ್ಷಕನ ಮಡಿಲಿಗೆ ಸೇರ್ಪಡೆ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಮಂಗಳವಾರ ರಜಾ ದಿನಾ ಸಿನಿಮಾ ಇದೇ ಡಿಸೆಂಬರ್ ಪ್ರೇಕ್ಷಕನ ಮಡಿಲಿಗೆ ಸೇರ್ಪಡೆ

ಮಂಗಳವಾರ ರಜಾದಿನ ಎಂಬ ಟೈಟಲ್ ಸಿನಿಮಾದ ಹಾಡು ಇದೇ ನವೆಂಬರ್ 24ಕ್ಕೆ ಬಿಡುಗಡೆಯಾಗಲಿದೆ. ನಿರ್ದೇಶಕ ಯೋಗರಾಜ್ ಭಟ್ ಬರೆದಿರುವ ಈ ಹಾಡಿಗೆ ಖ್ಯಾತ ಗಾಯಕ ವಿಜಯಪ್ರಕಾಶ್ ಧ್ವನಿ ನೀಡಿದ್ದಾರೆ. ಪ್ರಜೋತಾ ಡೇಸಾ ಸಂಗೀತ ಸಂಯೋಜಿಸಿರುವ ಈ ಗೀತೆ ಲಹರಿ ಮ್ಯೂಸಿಕ್ ಮೂಲಕ ಪ್ರೇಕ್ಷಕನನ್ನು ತಲುಪಲಿದೆ.

ಕ್ಷೌರಿಕನ ಬದುಕಿನ ಸುತ್ತ ಹೆಣೆಯಲಾಗಿರುವ ಕಥೆಯನ್ನು ಈ ಸಿನಿಮಾ ಹೊಂದಿದ್ದು, ಈ ಚಿತ್ರದ ಹಾಡು ಸಹ ಇದೀಗ ಸವಿತಾ ಸಮಾಜದವರ ಕೀರ್ತಿ ಸಾರುವ ರೀತಿಯಲ್ಲಿದೆ ಎನ್ನುತ್ತಾರೆ ಚಿತ್ರದ ನಿರ್ದೇಶಕ ಯುವಿನ್.

ಈ ಚಿತ್ರದಲ್ಲಿ ನಾಯಕ ನಟನಾಗಿ ಕೆಮಿಸ್ಟ್ರಿ ಕರಿಯಪ್ಪ ಚಿತ್ರದ ಮೂಲಕ ನಾಯಕನಾಗಿ ಕಾಣಿಸಿಕೊಂಡ ಚಂದನ್ ಆಚಾರ ಪ್ರೇಕ್ಷಕರನ್ನ ಮೋಡಿ ಮಾಡಲಿದ್ದಾರೆ. ಅಂದಹಾಗೇ ಚಂದನ್ ಆಚಾರ್ ಈ ಚಿತ್ರದಲ್ಲಿ ಕ್ಷೌರಿಕನ ಪಾತ್ರ ನಿರ್ವಹಣೆ ಮಾಡಲಿದ್ದು, ಲಾಸ್ಯ ನಾಗಾರಾಜ್ ನಾಯಕಿಯಾಗಿ ಅವರ ಕೈ ಹಿಡಿಯಲಿದ್ದಾರೆ.

ತ್ರಿವರ್ಗ ಫಿಲಂಸ್ ಲಾಂಛನದಲ್ಲಿ ನಿರ್ಮಾಣವಾಗುತ್ತಿರುವ ಈ ಚಿತ್ರದ ಚಿತ್ರೀಕರಣ ಈಗಾಗಲೇ ಮುಕ್ತಾಯಕಂಡಿದ್ದು, ಬೆಂಗಳೂರು ಹಾಗೂ ಸುತ್ತ ಮುತ್ತಲಿನ ಪರಿಸರದಲ್ಲೇ ಹೆಚ್ಚಿನ ಸಿನಿಮಾ ಶೂಟಿಂಗ್ ಮಾಡಲಾಗಿದೆ. ಇನ್ನು ಈ ಸಿನಿಮಾದಲ್ಲಿ ಜಹಂಗೀರ್, ರಜನಿಕಾಂತ್ ಗೋಪಾಲ್ ದೇಶಪಾಂಡೆ, ನಂದನ ರಾಜ್, ಮುಂತಾದವರು ನಟಿಸಿದ್ದಾರೆ. ಬರುವ ತಿಂಗಳು ಡಿಸೆಂಬರ್ ನಲ್ಲೇ ಸಿನಿಮಾವನ್ನು ತೆರೆಗೆ ತರುವ ಸಿದ್ಧತೆಯಲ್ಲಿ ಸದ್ಯ ಸಿನಿಮಾ ತಂಡ ತೊಡಗಿ ಕೊಂಡಿದೆ.

Edited By :