ನೋಂದಣಿ ರದ್ದಾಗಬಾರದು ಎಂದಾದರೆ ಇಂದೇ ಜಿಎಸ್ ಟಿಆರ್-3ಬಿ ವಿವರ ಸಲ್ಲಿಸಿ
ಬೆಂಗಳೂರು: ಹೆಚ್ಚಿನ ಉದ್ದಿಮೆಗಳು 'ಶೂನ್ಯ ಜಿಎಸ್ ಟಿ ತೆರಿಗೆ ವಿವರ'ಗಳನ್ನು ಫಾರ್ಮ್ ಜಿಎಸ್ ಟಿಆರ್-3ಬಿ ಮೂಲಕ ಸಲ್ಲಿಸಿಲ್ಲ.
ಈ ವಿವರ ಸಲ್ಲಿಸಲು ವಿಳಂಬ ಮಾಡಿದ್ದಕ್ಕೆ ಪ್ರತ್ಯೇಕ ಶುಲ್ಕವನ್ನೂ ಪಾವತಿಸಬೇಕು.
ಹಾಗಾಗಿ ಈಗ ಉದ್ಯಮಗಳು ತಮ್ಮ ಜಿಎಸ್ ಟಿ ನೋಂದಣಿ ರದ್ದಾಗುವ ಹಾಗೂ ವಹಿವಾಟು ಸ್ಥಗಿತಗೊಳ್ಳುವ ಅಪಾಯದಲ್ಲಿವೆ.
ನೋಂದಣಿ ರದ್ದಾಗಬಾರದು ಎಂದಾದರೆ ನವೆಂಬರ್ 30ರೊಳಗೆ ಜಿಎಸ್ ಟಿಆರ್-3ಬಿ ವಿವರ ಸಲ್ಲಿಸಬೇಕು ಎಂದು ಸರ್ಕಾರ ಗಡುವು ನೀಡಿದೆ.
ಜಿಎಸ್ ಟಿ ನೋಂದಣಿ ರದ್ದಾದರೆ ಇ-ವೇ ಬಿಲ್ ಸಿಗುವುದಿಲ್ಲ.
ಆಗ ವಹಿವಾಟು ನಡೆಸಲು ಆಗುವುದಿಲ್ಲ ಎಂದು ಮೂಲಗಳು ಎಚ್ಚರಿಕೆ ನೀಡಿವೆ.
ರಾಜ್ಯದಲ್ಲಿ ಒಟ್ಟು 8.88 ಲಕ್ಷ ಉದ್ಯಮಗಳು ಜಿಎಸ್ ಟಿ ವ್ಯವಸ್ಥೆಯಡಿ ನೋಂದಣಿ ಮಾಡಿಸಿಕೊಂಡಿವೆ.
ಈ ಪೈಕಿ ಶೇಕಡ 78ರಷ್ಟು ಉದ್ದಿಮೆಗಳು ಅಕ್ಟೋಬರ್ ಅಂತ್ಯದ ವೇಳೆಗೆ ಜಿಎಸ್ ಟಿ ವಿವರ ಸಲ್ಲಿಸಿವೆ.
ನವೆಂಬರ್ 16ರಂದು ಸರ್ಕಾರ ಹೊರಡಿಸಿರುವ ಅಧಿಸೂಚನೆ ಪ್ರಕಾರ, ಡಿಸೆಂಬರ್ 1ಕ್ಕೂ ಮೊದಲು ಜಿಎಸ್ ಟಿಆರ್-3ಬಿ ಶೂನ್ಯ ತೆರಿಗೆ ವಿವರಗಳನ್ನು ವಿಳಂಬ ಶುಲ್ಕದ ಜೊತೆ ಸಲ್ಲಿಸಬೇಕು.
ಈ ಕೆಲಸ ಮಾಡದ ಉದ್ದಿಮೆಗಳಿಗೆ ಇ-ವೇ ಬಿಲ್ ಸಿಗುವುದಿಲ್ಲ.
ಇ-ವೇ ಬಿಲ್ ಇಲ್ಲದಿದ್ದರೆ ಉತ್ಪನ್ನಗಳನ್ನು ಒಂದೆಡೆಯಿಂದ ಇನ್ನೊಂದೆಡೆ ಸಾಗಿಸಲು ಸಾಧ್ಯವಿಲ್ಲ.
PublicNext
30/11/2020 07:26 am
ಸಂಬಂಧಿತ ಸುದ್ದಿ
LOADING...
