ಬೆಂಗಳೂರು: ಗುರು ಪೂರ್ಣಿಮೆ ಭಕ್ತಿ ಸಂಭ್ರಮ; ಸಾಯಿಬಾಬಾಗೆ ವಿಶೇಷ ಅಲಂಕಾರ ವೈಭವ

ಅಪ್ಲಿಕೇಶನ್‌ನಲ್ಲಿ ಉಚಿತವಾಗಿ ಪೂರ್ಣ ವೀಡಿಯೊವನ್ನು ವೀಕ್ಷಿಸಿ

ಬೆಂಗಳೂರು: ಗುರು ಪೂರ್ಣಿಮೆ ಭಕ್ತಿ ಸಂಭ್ರಮ; ಸಾಯಿಬಾಬಾಗೆ ವಿಶೇಷ ಅಲಂಕಾರ ವೈಭವ

ಬೆಂಗಳೂರು: ನಾಡಿನಾದ್ಯಂತ ಇಂದು ಗುರುಪೂರ್ಣಿಮೆ ನಿಮಿತ್ತ ಶ್ರೀ ಸಾಯಿಬಾಬಾ ಮೂರ್ತಿಗೆ ವಿಶೇಷ ಅಲಂಕಾರ ಮಾಡಲಾಗಿದೆ ಮತ್ತು ವಿಶೇಷ ಪೂಜೆ ಸಲ್ಲಿಸಲಾಗುತ್ತಿದೆ. ಅದರಂತೆ ಜೆಪಿ ನಗರದ ಆರನೇ ಹಂತದಲ್ಲಿರುವ ಶಿರಡಿ ಸಾಯಿಬಾಬಾ ಮಂದಿರದಲ್ಲಿ ವಿಶೇಷ ಅಲಂಕಾರ ಮಾಡಿ ಪೂಜಿಸಲಾಗುತ್ತಿದೆ.

ಶ್ರೀ ಸಾಯಿಬಾಬಾರ ದರ್ಶನ ಪಡೆಯಲು ಭಕ್ತರು ಸಾಲುಗಟ್ಟಿ ಮಂದಿರಕ್ಕೆ ಬರುತ್ತಿದ್ದಾರೆ. ಅದರಲ್ಲೂ ವಿಶೇಷವಾಗಿ ಈ ಬಾರಿ ಜೆಪಿ ನಗರದ ಸಾಯಿಬಾಬಾ ಮಂದಿರದಲ್ಲಿ 1 ಲಕ್ಷ ಸಾಮಗ್ರಿ ಬಳಸಿ ವಿಶೇಷ ಅಲಂಕಾರ ಮಾಡಲಾಗಿದೆ.

ಮಂದಿರದಲ್ಲಿ 50 ಬಗೆಯ ಆಟದ ಸಾಮಗ್ರಿಗಳನ್ನು ಬಳಸಿ ಅಲಂಕರಿಸಲಾಗಿದೆ. ಹೂವು ಮತ್ತು ಆಟದ ಸಾಮಗ್ರಿಗಳ ಮಧ್ಯದಲ್ಲಿ ಕಂಗೊಳಿಸುತ್ತಿರುವ ಸಾಯಿಬಾಬಾ ಮೂರ್ತಿಗೆ ಮಾಡಿರುವ ವಿಶೇಷ ಅಲಂಕಾರ ಕಂಡು ಜನರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

ಇನ್ನು, ಗುರುಪೂರ್ಣಿಮೆ ಮುಗಿದ ಬಳಿಕ ಸಾಯಿಬಾಬಾರ ಅಲಂಕಾರಕ್ಕೆ ಬಳಸಿರುವ ಆಟದ ಸಾಮಗ್ರಿಗಳನ್ನು ಸರಕಾರಿ ಶಾಲೆ ಮಕ್ಕಳಿಗೆ ಉಚಿತವಾಗಿ ವಿತರಿಸಲಾಗುವುದೆಂದು ಮಂದಿರದ ಆಡಳಿತ ಮಂಡಳಿ ತಿಳಿಸಿದೆ.

- ನವೀನ್, ಪಬ್ಲಿಕ್ ನೆಕ್ಸ್ಟ್ ಬೆಂಗಳೂರು

Edited By :