ಬೆಂಗಳೂರು: "ವಿಧಾನಸೌಧದಲ್ಲಿ ಇಫ್ತಾರ್ ನಿಷೇಧಿಸಿ, ಹಲಾಲ್ ಬಹಿಷ್ಕರಿಸಿ"; ಸರ್ಕಾರಕ್ಕೆ ತಾಕೀತು
ಬೆಂಗಳೂರು: ಹಲಾಲ್ ಬಹಿಷ್ಕರಿಸಬೇಕು ಹಾಗೂ ವಿಧಾನಸೌಧ- ವಿಕಾಸ ಸೌಧದಲ್ಲಿ ಇಫ್ತಾರ್ ಕೂಟ ನಿಷೇಧಿಸಬೇಕೆಂದು ಫ್ರೀಡಂ ಪಾರ್ಕ್ ನಲ್ಲಿ ರಾಷ್ಟ್ರ ರಕ್ಷಣಾ ಪಡೆ ಕಾರ್ಯಕರ್ತರಿಂದ ಪ್ರತಿಭಟನೆ ನಡೆಸಲಾಗುತ್ತಿದೆ.
ಹಿಂದೂ ಕಾರ್ಯಕರ್ತರ ಸಹಿತ ಪ್ರಶಾಂತ್ ಸಂಬರಗಿ ಹಾಗೂ ಪುನೀತ್ ಕರೆಹಳ್ಳಿ ಮತ್ತವರ ಬೆಂಬಲಿಗರು ಪ್ರತಿಭಟನೆಯಲ್ಲಿ ಭಾಗಿಯಾಗಿದ್ದಾರೆ. ಪ್ರತಿಭಟನಾಕಾರರಿಂದ ಈ ಬಗ್ಗೆ ಸರ್ಕಾರಕ್ಕೆ ಮೂರು ಗಂಟೆಯ ಡೆಡ್ ಲೈನ್ ನೀಡಲಾಗಿದೆ.
ಇಫ್ತಾರ್ ಕೂಟವನ್ನು ವಿಧಾನ ಸೌಧದಲ್ಲಿ ಮಾಡಬಾರದು. ಕಾಂಗ್ರೆಸ್ ನವರು ಹುಟ್ಟು ಹಾಕಿರುವ ಈ ಕೆಟ್ಟ ಸಂಪ್ರದಾಯವನ್ನು ಕಿತ್ತು ಹಾಕಬೇಕು. ವಿಧಾನಸೌಧದಲ್ಲಿ ಹಲಾಲ್ ಆಹಾರ ಸೇವನೆ ಮಾಡಲು ಅವಕಾಶವನ್ನೂ ನೀಡಬಾರದೆಂದು ಈ ಸಂದರ್ಭ ಪ್ರಶಾಂತ್ ಸಂಬರಗಿ ತಿಳಿಸಿದರು.
ಮೂರು ಗಂಟೆಯೊಳಗೆ ಆದೇಶ ನೀಡಲು ಸರ್ಕಾರಕ್ಕೆ ಒತ್ತಾಯಿಸಲಾಗಿದ್ದು, ಇಲ್ಲವಾದಲ್ಲಿ ಮೂರು ಗಂಟೆಯ ಬಳಿಕ ಬೃಹತ್ ಪ್ರತಿಭಟನೆ ಹಮ್ಮಿಕೊಂಡು, ವಿಧಾನಸೌಧಕ್ಕೆ ಮುತ್ತಿಗೆ ಹಾಕಲಾಗುವುದೆಂದು ಎಚ್ಚರಿಕೆ ನೀಡಲಾಗಿದೆ.
Kshetra Samachara
23/04/2022 05:40 pm
ಸಂಬಂಧಿತ ಸುದ್ದಿ
LOADING...
